ڕاپۆرتی کوردستانی
خنكانى پێشمه‌رگه‌یه‌كى یه‌كێتى له زیندانه‌كانى ئاسایشى پارتیدا، په‌یوه‌ندییه‌كانى یه‌كێتى و پارتى رووبه‌ڕووى ته‌نگه‌ژه‌یه‌كى دیكه كرده‌وه، به‌ڵام پێناچێت هه‌ردوولا حه‌ز به گه‌وره‌كردنى رووداوه‌كه‌و ئاشكراكردنى بۆ راى گشتى بكه‌ن، به‌پێى زانیارییه‌كانى په‌یسه‌ر پارتى و بۆچوونى زاڵى نێو یه‌كێتیش له‌گه‌ڵ ئه‌وه‌ن رێگه به گه‌وره‌بوونى رووداوه‌كه نه‌درێت. بۆئه‌وه‌ش له رێگه‌ى لیژنه‌یه‌كى په‌رله‌مانییه‌وه كه بۆ لێكۆڵینه‌وه پێكهێندراوه به نیازن رووداوه‌كه به ئاڕاسته‌ى خه‌فه‌كردن به‌رن.