ڤیدیۆ

11:10 - 02/03/2019

گوتاری ماڵئاوایی جۆرج واشینتۆن لە سەرۆکایەتی ئەمریکا‌‌

پەیسەر

جۆرج واشینتۆن دامەزرێنەر و باوکی سەربەخۆیی ئەمریکا و یەکەمین سەرۆکی ئەو وڵاتە بوو، واشینتۆن لە دواین وتاریدا وەک سەرۆکی ئەمریکا ئامۆژگاری گەلی ئەمریکا دەکات کە بە ئاسانی ڕێگە نەدەن گۆڕانکاری لە دەستوردا بکرێت، چونکە ئەگەر زوو زوو گۆڕانکاری لە دەستوردا بکرێت دەستورەکە لە ناوەڕۆکی خۆی بە تاڵ دەبێتەوە، جۆرج واشینتۆن پێیوایە تەنیا ئەوکاتە گۆڕانکاری لە دەستوردا رێگەپێدراوە کە دڵنیابین لەوەی گۆڕانکارییەکە لەپێناو بەرژەوەندییەکی کورتخایەندا نییە و لەپێناو بەرژەوەندییەکی درێژماوەدایە، بەو واتایە ئەگەر حیزبێک یان سەرکردەیەک پێشنیازی گۆڕینی مادەیەکی دەستوری کرد دەبێت بیر لەوە بکەینەوە ئایا گۆڕینی ئەم مادەیە لەپێناو بەرژەوەندی کورتخایەتی ئەو حیزب و سەرۆکەدایە یان لەپێناو بەرژەوەندی درێژخایەنی وڵاتەکەدایە، ئەگەر بەرژەوەندی کورتخایەنی حیزب و سەرۆکەکە لە گۆڕینی دەستوردابێت نابێت رێگە بە گۆڕینی بدرێت.