کوردستان

02:13 - 20/01/2020

بۆ رێگری لەكێشەی باڵەكان, مەسعود بارزانی خۆی سەرپەرشتی ئامادەكاریەكانی كۆنگرە دەكات‌

پەیسەر

بەپێی ئەو زانیاریانەی پەیسەرپرێس لەسەرچاوەیەكی ئاگادارەوە دەستی كەوتووە، لیژنەیەكی حەوت كەسی كە لە ٣ ئەندامی سەركردایەتی و ٤ ئەندامی مەكتەبی سیاسی پێكهاتووە، ئامادەكاریەكانی كۆنگرەی چواردەهەمینی پارتی دەكەن.

 سەرچاوەكەی پەیسەرپرێس دەڵێت، ناوی هەریەك لە ئازادبەرواری و هۆشیار زێباری هەیە كە ئەندامی ئەو لیژنەیە بن، و مەسعود بارزانی خۆی سەرپەرشتی ئامادەكاریەكانی كۆنگرە دەكات ئەوەش بۆ رێگری لەكێشەی باڵەكانی مەسرور بارزانی و نێچیرڤان بارزانی.


سەرچاوەكەی پەیسەرپرێس دەڵێت، لیژنەی ئامادەكاری كۆنگرە بەتەوافوقی دەبێت و نوێنەری هەردوو باڵەكەی تێدا دەبێت.


بڕیارە لەم ساڵدا پارتی كۆنگرەی چواردەهەمینی ببەستێت ئەوەش لەكاتێكدایە كۆنگرە سێزدەی ئەو حزبە لە ١١ و ١٨ كانونی یەكەمی ٢٠١١ بەستراوە و دوای ئەوە پارتی بۆماوەی پێنج ساڵ كۆنگرەی دواخست.