کوردستان

03:10 - 21/02/2020

مووچەی فەرمانبەرانی هەرێم پرسێکی ژیانیە و پەیوەندی بە ناکۆکی و پرسە سیاسیەکانەوە نییە‌

پەیسەر

محەمەد تۆفیق عەلاوی سەرۆک وەزیرانی ڕاسپێردراوی عێراق بە شاندی کوردسانی ڕاگەیاندووە، بە هیچ شێوەیەکی مووچەی فەرمانبەرانی هەرێم نابڕدرێت.

دەرباز محەمەد ئەندامی خانەی ڕاپەڕاندنی بزووتنەوەی گۆڕان و ئەندامی شاندی کوردستانی لە بەغدا بە پەیسەرپرێسی ڕاگەیاند، لە کۆبوونەوەی شاندەکەیان لەگەڵ محەمەد تۆفیق عەلاوی سەرۆک وەزیرانی ڕاسپێردراوی عێراق، عەلاوی ڕایگەیاندووە، مووچەی فەرمانبەرانی هەرێم پرسێکی ژیانیە و پەیوەندی بە ناکۆکی و پرسە سیاسیەکانەوە نییە.

دەرباز محەمەد وتیشی، عەلاوی باسی لەوە کردووە، پێی سەیر بووە کاتی خۆشی مووچەی فەرمانبەرانی هەرێم بڕاوە و شاندی کوردستانی پشتڕاست کردووەتەوە کە کێشە لە مووچەی فەرمانبەرانی هەرێم و بودجەی هەرێم دروست نابێت و هەموو شتێک وەک جاران بەردەوام دەبێت.

ڕۆژی سێشەممەی ڕابردوو ١٨ی شوباتی ٢٠٢٠ شاندی هەرێمی كوردستان بەمەبەستی گەیشتن بە ڕێككەوتن لەبارەی پشكی هەرێم لەو كابینە نوێیەی حكومەتی عیراقدا گەیشتە بەغدا.