کوردستان

05:34 - 24/02/2020

هەوڵ ده‌درێت كێشەكانی بزوتنەوەی ئیسلامی چاره‌سه‌ر بكرێن‌

پەیسەر پرێس

كامیل مەحمود وتەبێژی پێشووی بزوتنەوەی ئیسلامی و ئەندامی مەكتەبی سیاسیی ئەو حزبە و یەكێك لە سەركردەكانی هێڵی گۆرانكاری بزوتنەوە بە پەیسەرپرێسی راگەیاند، لەچەند رۆژی رابردوودا گفتوگۆ لە نێوان سەركردایەتی بزوتنەوە و هێڵی گۆڕانكاریی دروستبووە و پێدەچێت لەم چەند رۆژەی داهاتوودا ئەنجامی دانووستانەكان دەربكەون.

 
كامیل مەحمود وتیشی، تا ئێستا بارەگای هێڵی گۆڕانكاریی دانەخراوە و ماوەتەوە. راشیگەیاند، پێدەچێت كێشەكان بەكردەوە بەرەوچارەسەر بچن و نایەوێت ئێستا باسی ناوەرۆكی كێشەكان بكەن، بۆ ئەوەی زیان بەرەوتی گفتوگۆ و دانووستانەكان نەگەیەنن.

لەچەند رۆژی رابردوودا باڵێكی بزوتنەوەی ئیسلامی بەناوی هێڵی گۆڕانكاریی بەهۆی كێشە ناوخۆیەكانی بزوتنەوەوه‌ جیابوونەوە و بارەگایەكیان لەشاری سلێمانی كردەوە.