07:54 - 26/05/2020
ئێزدییەكان بەشداریی جەژنی رەمەزانی موسڵمانانی ناوچەكەیان دەكەن
سەرەڕای ئەو هەموو نەهامەتییەی كە داعش بەسەر ناوچەی شەنگال و ئێزدییەكانی ئەو ناوچەیەیدا هێنا، هێشتا پێكهاتە ئاینییەكانی ناوچەكە بوارە كۆمەڵایەتیەكەیانی خۆیان تێكدانەداوە و وەك هاوڵاتییەكی ئێزدیش دەڵێت: خۆشیی و ناخۆشیمان پێكەوەیە. ئەمساڵیش لە كەمپی ئاوارەكانی شەنگالدا لە پارێزگای دهۆك جەژنی رەمەزانی موسڵمانەكان بەڕێوەچوو ئێزدییەكانیش پیرۆزباییان لە موسڵمانان كرد.
قەدەغەی هاتوچۆ و داخستنی بازاڕ و شوێنە
گشتییەکان نەبووەتە ئەگەر کە موسڵمانە ئاوارەکانی شنگال جەژنی ڕەمەزان پیرۆز بکەن
و رێ و رەسمی ئەم جەژنە پیرۆزە بەڕێوە ببەن.
بۆ سالی شەشەم
موسڵمانانی شنگال جەژنی ڕەمەزان لەنێو کەمپە ئاوارەکانی سنووری پارێزگای دهۆک
پیرۆز دەکەن و بە هیوان سالی داهاتوو جەژنەکانی خۆی لە سەر زێدی خۆیان بەڕێوەببەن.
عەبدولڕەحمان
سولەیمان ئەلحەلیقی یەکێک لە ئاوارە موسڵمانەکانی شنگالە و ئێستا لە کەمپی بێرسڤێ
2ی سەر بە قەزای زاخۆ نیشتەجێ یە سەبارەت جەژنەکە بۆ "پەیسەر پرێس"
دەلێت، جەژنی ئەمساڵ بە شێوەیەکی گشتی جیاوازە لە جەژنی سالەکانی تر و ئەوەش بۆ
ئەوە دەگەڕێتەوە کە ڤایرۆسی کۆرۆنا مەترسی جددی لەسەر هەرێمی کوردستان هەیە.
ئاماژەی بەوەش کرد،
سەرەڕای ئەوەی قەدەغەی هاتوچۆ یە بەلام ئێمە وەکو کەسوکار جەژنی ڕەمەزانمان گێڕا و
چوونەتە جەژنی یەکتر. گوتیشی: هیوایان ئەوەیە کە سالی داهاتوو
بگەرێنەوە سەر زێدی خۆیان لە شنگال 2 جەژن و بوونەکانی خۆی لەسەر زێدی خۆیان بگێڕن.
لە شنگال و دوای
ئاوارەبوونیش تەواوی خەڵکی ئەو باژێرە، بە هەموو پێکهاتەکانیەوە (ئێزیدی، موسلمان
و مەسیحی)، لە جەژن و بوونەکانی یەکتر بەشدار دەبن و بە پێکەوە پیرۆزی دەکەن. "خەیری ئەلیاس" یەک لە ئاوارە ئێزیدییەکانی شنگالە بە "پەیسەر
پرێس" ی ڕاگەیاند، ئێمە لە هەر جەژن و بوونەیەک لەگەڵ یەکتر بەشدار ئەبین و
خۆشی و ناخۆشیمان یەکە، سەرەڕای ئاوارەبوون بەڵام هەر ئێمە لە پەیوەندی داین و لە
هەر شوێنێک بێت سەردانی یەکتر ئەکەین. زیاتر وتی، جەژن و خۆشی ئێمە گەڕانەوەی ئێمە بۆ
شنگال و ژیانکردن لەگەڵ یەک جوانتر لێدێت و هیوام وایە جەژنی ڕەمەزان ببێتە مایەی
خێر و خۆشی و بەرەکەت بۆ ئەم ولاتە.
لە 3ی تەباخ(ئاب)ی
سالی 2014 چەکدارانی رێکخراوی تیرۆریستی داعش پەلاماری شنگالیان دا و بە هەزاران
کەس کوژران و رفێندراون و نزیکەی 400 هەزار کەس ئاوارە بوون و زۆربەی ئەوان تا
ئێستا لە کەمپەکانی ئاوارە لە سنووری پارێزگای دهۆک نیشتەجێن.
ئەوەی جێگەی سەرنجە
ئاوارە شەنگالیەكان پێكەوە ژیان دەكەن و كارە تیرۆرستیەكانی داعش نەبووەتە ڕێگر
لەبەردەمیانداو هەر بۆنەیەكی ئاینی و كۆمەڵایەتی بێتە پێشەوە هەموویان پێكەوە
ئەنجامی دەدەن و وەك خەیری ئەلیاسیش گوتی (خۆشی و ناخۆشیمان پێكەوەیە).