04:36 - 09/04/2022
.jpg)
حكومه‌تی هه‌رێم: ئەمساڵ نزیكەی 26 ملیار دینار بۆ خۆڵ و خاشاكی سلێمانی تەرخانكراوە
حكومه‌تی هه‌رێم رایگه‌یاند: لە سەرەتای ساڵی
٢٠٢٢وە، ١٤ ملیار و نۆسەد و حەفتا و پێنج
ملیۆن دینار بۆ كۆكردنەوە و چارەسەركردنی خۆڵ و خاشاكی سلێمانی تەرخان كراوە، هەروەها
حەوت ملیۆن و 500 هەزار دۆلار بۆ ڕیسایكلین و خاشاكی ڕەق لە سلێمانی تەرخان و خەرج
كراوە، كۆی هەردوو گوژمەكەش دەكاتە نزیكەی 26
ملیار دینار.
ئه‌مرۆ شه‌ممه 9ی نیسانی 2022، حكومه‌تی هه‌رێم
رایگه‌یاند: تەرخانكردنی ئەو 26 ملیار دینارە، بەڵگەیە لەسەر ئەوەی هەندێك دەزگەی
میدیایی بەهەڵەداچوون لەوەی دەیانەوێت ڕاستییەكان بشێوێنن كە گوایە پارە بۆ چارەسەركردنی
خۆڵ و خاشاكی سلێمانی خەرج ناكرێت، لەكاتێكدا ئەو گوژمەیە بەراورد بە شوێنەكانی تری
كوردستان زۆر زیاتریشە.
ئاماژه‌به‌وه‌كراوه، بەپێی دوو بەڵگەنامە، لە ڕێكەوتی 16/2/2022 بە نووسراوی ژمارە(2655)ی
سەرۆكایەتیی ئەنجوومەنی وەزیران كە ئاراستەی وەزارەتی دارایی و ئابووری كراوە، بڕیار
لەسەر خەرجكردنی گوژمەی (14,975,153,340 ) دينار بەمەبەستی پاككردنەوە و گواستنەوەی
خۆڵ و خاشاك بۆ شاری سلێمانی بۆ ماوەی یەك ساڵ دراوە.
هەروەها بە گوێرەی نووسراوێكی دیكەی ئەنجوومەنی
وەزیران/فەرمانگەی بەدواداچوونی پرۆژەكان بە ژمارەی 2690 لە ڕێكەوتی 16/2/2022 كە
ئاراستەی وەزارەتی دارایی و ئابووری كراوە، بۆ جێبەجێكردنی پرۆژەی چارەسەركردنی خۆڵ
و خاشاكی ڕەق لە سلێمانی بۆ ساڵی 2022 گوژمەی (7,500,000) حەوت ملیۆن و پێنجسەد هەزار
دۆلار بەشێوەی نەختینە و قۆناغ تەرخان كراوە. كۆی ئەو دوو گوژمانەی لەمساڵدا تەنیا
بۆ خۆڵ و خاشاكی سلێمانی تەرخان كراون نزیكەی 26 ملیار دینارە
.