11:37 - 01/05/2022
تاى خوێنبەربوون گەیشتە کەرکوک
ئەمڕۆ یەكەم حاڵەتی توشبون بە تای خوێنبەربون
لە کەرکوک تۆماركرا و لەئێستاشدا ئەو توشبوە لەژێر چاودێری وردی پزیشكیدایە.
سه‌رچاوه‌یه‌ك له ته‌ندروستی كه‌ركوك رایگه‌یاند،
ئه‌مڕۆ دوای پشكنینه‌كان ده‌ركه‌وتوه كه هاوڵاتیه‌ك هه‌ڵگری ڤایرۆسی تای خوێنبه‌ربونه،
له‌ئێستاشدا كه‌ره‌نتین كراوه و له‌ژێر چاودێری وردی پزیشكیدایه و به‌پێی پرۆتۆكۆله
زانستیه‌كان ده‌رمان و پێداویستی ته‌ندروستی بۆ به‌كارده‌هێندرێت.
ئاماژەى بەوەشکردووە، ئه‌و كه‌سه‌ی كه توشبوه
كاری گۆشتفرۆشی ده‌كات و له‌ئێستادا دۆخی ته‌ندروستی جێگیره.
پێشتر نەخۆشییەکە لە چەند پاریزگایەکى دیکەى عێراق تۆمار کرابوو.
تای خوێنبەربون، کە بە تای "کۆنگۆ یاخود
کرایمیا" ناسراوە نەخۆشیەکی مەترسیدارە و بە پێوەدان یاخود پەیوەندیکردن لەگەڵ
ئاژەڵی ماڵی وەک مەڕ و بزن و پەلەوەردا دەگوازرێتەوە.
نیشانەکانی بریتین لە تا، ئازاری ماسولکە، سەر
ئێشە، ڕشانەوە، سکچون و خوێناوی بوونی پێست، نیشانەکان لە ماوەی دو ھەفتەدا دەردەکەون
و ئەوانەی کە ڕزگاریان دەبێت دو ھەفتە پاش توش بون چاکدەبنەوە، ڕێژەی مردن لەم نەخۆشیەدا
لە نێوان 40% بۆ 80%یه، ئەوەش لە کاتێکدا رێژەی مردن بە کۆرۆنا 1% کەمترە.