10:39 - 25/07/2022
ژمارەیەک پێشمەرگەی کۆمەڵە دەکەونە بۆسەی هێزەکانی ئێران
کۆمەڵەی شۆڕشگێری زەحمەتکێشانی
کوردستانی ئێران ئاشکرای کرد، لە سنووری پارێزگای ورمێ-ی رۆژهەڵاتی کوردستان، ژمارەیەک
پێشمەرگەیان کەوتوونەتە بۆسەی هێزەکانی ئێران و بە دیل گیراون.
سکرتاریەتی کومیتەی
ناوەندی کۆمەڵەی شۆڕشگێری زەحمەتکێشانی کوردستانی ئێران لە راگەیەندراوێکدا بڵاویکردەوە:
"بەداخەوە لە چەند رۆژی رابردوودا، لە ئەنجامی چالاکییەکی تەشکیلاتی بۆ کاری
رێکخستن لە ناوچەی سۆماوبرادۆست، سەربە پارێزگای ورمێ، تیمێک لە پێشمەرگەکانی کۆمەڵە،
دەکەونە بۆسەی هێزە سەرکوتگەرەکانی کۆماری ئیسلامی ئێران و بەداخەوە ژمارەیەک لە پێشمەرگەکان
دەستبەسەر دەکرێن".
لە راگەیەندراوەکەی کۆمەڵەدا
ئاماژە بەوەشکراوە: "سەبارەت بەم رووداوە، لە رۆژانی داهاتوودا زانیاری زیاتر
بۆ رای گشتی بڵاودەکەینەوە".