10:49 - 01/08/2022
ئێران: بە رودى و هەستیارییەوە چاودێری ڕووداوەکانی عێراق دەکەین
وتەبێژی دەرەوەی ئێران ڕایگەیاند، بە وردی و هەستیارییەوە
چودێری دوایین ڕووداوەکانی عێراق دەکەین و ئێمە وەکو ئێران دەستوەرنادەینە کاروباری
ناوخۆیی وڵاتەکە.
ناسڕ کەنعانی وتەبێژی دەرەوەی ئێران رایگەیاند،
پەرەسەندن و پێشهاتەکانی ئێستای عێراق کاروباری ناوخۆیین و دەبێت حزب و ڕەوتە سیاسییەکانی
عێراق ئەم قۆناغە تێبپەڕێنن.
وتیشی، “کۆماری ئیسلامی ئێران پێیوایە ئاسایشی
عێراق ئاسایشی خۆیەتی و دەبێت حزب و لایەنە سیاسییەکان لەڕێی ئاشتی و یاساییەوە ئەم
قەیرانە تێبپەڕێنن”.
جەختی لەوەش کردەوە، لە ڕابردوو و ئێستاشدا ڕێزمان
لە بژاردەی گەلی عێراق گرتووە و دەگرین و دەستوەرنادەینە کاروبارە باوخۆییەکانی، بەڵام
دڵنیاین لەوەی باشترین چارەسەر بۆ کۆتاییهێنان بە ناکۆکییەکان گفتوگۆیە.
چەند رۆژێکە لایهنگرانی رهوتی سهدر جارێكی دیكه خۆپیشاندانیان دهستپێكردوه
و بەربەستی کۆنکرێتیهكانی ناوچهی سهوزیان لابرد و چونە ناو ناوچەی سەوزەوە، کە
باڵەخانەکانی حکومەت و پهرلهمان و بارەگای نوێنهرایهتی وڵاتان و زۆرینهی ناوهنده
دیلپۆماسییهكانی تیایه.