09:11 - 26/10/2019

دوو ڕۆژە لە عێراق چی ڕوو دەدات؟‌

دوو ڕۆژە خۆپیشاندان لە چەند شارێكی  عێراق بەردەوامە، وا پێدەخاتە ڕۆژی سێیەمەوە و  لەو ماوەیەشدا 63خۆپیشاندەر بەهۆكاری جیا جیا لە خۆپیشاندانەكاندا كوژراون و زیاتر لە دوو هەزار 500 كەسیش بریندار بوون.

تەنها لە دوو رۆژدا63 خۆپیشاندەر كوژراون

ڕۆژی هەینی خۆپیشاندانی سەرتاسەریی دەستیپێكرد

خۆپیشاندانەكان 11 شاری گەورەی عێراقی  گرتەوە كە زۆربەیان شێعە نشینن.

یەكەم: خۆپیشاندان لە بەغداد  لە مەیدان تەحریر لە كاتژمێر 10ی بەیانی  رۆژی هەینی دەست پێكرد
دووەم: خۆپیشاندان لە كەربەلا  لە فلكەی تەربییە لە كاتژمێر سێیی ئێوارە دەستی پێكرد و تا ئێستاش بەردەوامە.

سێیەم:پارێزگای زیقاڕ  لە فلكەی ئەل حبو وی لە كاتژمێر سێیی ئێوارە و تائێستاش بەردەوامە.

چوارەم: پارێزگای بابا لە مەیدان ئازادی لە كاتژمێر سێی ئێوارە و تا ئێستاش بەردەوامە.

پێنجەم:بەسرە لە مەیدان ئەم ئل بورم لە كاتژمێر سێی ئێوارە و تائێستاش بەردەوامە؟
شەشەم: پارێزگای میسان نزیك نەخۆشخانەی زەهراوی لە كاتژمێر چواری ئێوارە.

حەوتەم: پارێزگای كوت لە شەقامی نەسیج  كاتژمێر چواری ئێوارەو تا ئێستاش بەردەوامە.
هەشتەم:لە پارێزگای سەماوە لە نزیك نەخۆشخانەی ئەهیلی  كاتژمێر سێی ئێوارە و تا ئێستاش بەردەوامە

نۆیەم:پارێزگای دیوانیە لە نزیك بینای پارێزگار لە كاتژمێر  سێی ئێوارە و تا ئێستاش بەردەوامە
دەیەم: پارێزگای دیالە لە نزیك ئەنجومەنی پارێزگا و لە كاتژمێر سێیی ئێوارە

یانزە: پارێزگای نەجەف نزیك پردی شۆرش لە كاتژمێر سێی ئێوارە و تا ئێستاش بەردەوامە

خۆپیشاندەران داوی چیی دەكەن؟
هەر لەسەرەتای  دەستپێكردنی خۆپیشاندانەكاندا خۆپیشاندەران دروشمی گۆرینی دەسەڵات و لابردنی چەند بەرپرسێك و چارەسەر كردنی كێشە سەرەتایی و بنەرەتیەكانیان دەكرد.
بەشێك لە خۆپیشاندەران دروشمیان دژی حكومەت بەرزدەكردەوە كە پێویستە ئەم حكومەتە دەست لەكار بكێشێتەوە و گەندەڵكاران بەسزای خۆیان بگەیەنرێت و هەروەها داهاتی وڵات بەباشی  بەسەر خەڵكدا دابەش بكرێت.

خۆپیشاندەران داوای دەس لە كاركێشانەوەی بەرپرسانیان دەكرد

دوای دەستپێكدرنی خۆپیشاندانەكان عادل عەبدول مەهدی سەرۆك وەزیرانی عێراق زنجیرەیەك چاكسازی ڕاگەیاند كەبریتین لە.

یەكەم: كەم كردنەوەی موچەی پلە تایبەتمەندەكان تا ئاستی نییوە رێگری كردن لەو كەسانەی حكومەت بۆ دەوڵەمەند كردنی خۆیان بەكار دەهێنن.
دووەم: خزمەت كردنی هاوڵاتیان و رێگەدان بەدەنگی ئازاد لە ڕادەربڕین و ڕاگەیاندنی ئازاد

سێیەم: پێویستە سەرجەم ئەو هێزادەرەكیانەی لە عێراقدان بچنە دەرەوە.

چوارەم:وڵاتانی درواسێ ڕێز لە سەروەریەكانی عێراق بگرێت.

پێنجەم:ئەو خێزانانەی لە خوار هێڵی هەژاریەوە دەژن مانگانە 130 هەزار دیناریان دەدرێتێ.
شەشەم: هەلی كار لە كەرتی گشتی و كەرتی تایبەت بۆ دەرچوانی زانكۆ دابین دەكەین.

حەوتەم: لێكۆڵینەوە لە سەرجەم ئەو بەپرسانە دەكەین كە دەستیان هەبوە لە كوشتنی خۆپیشاندەراندا.
لایەنەكان چی دەڵێن؟
هەر لەسەرەتای دەسپێكردنی خۆپیشاندانەكاندا لایەنە عێراقیەكان بۆچونی خۆیان دەربڕی و هەرلایەنێك بەشێوەیەك لەسەر خۆپیشاندانەكان لێدوانی دا

دەس لەكار بكشێنەوە پێش ئەوەی دەربكرێن

نیگەرانین لە مامەڵەی خراپی حكومەت لەگەڵ خۆپیشاندەران

خۆپیشاندەران داوای مافی خۆیان دەكەن

 لەلایەكی تریشەوە وەزارەتی ناوخۆی عێراق رەتیدەکاتەوە، چەک لە دژی خۆپیشاندەران بەکارهێندرابێت و بەڕێوەبەری پۆلیسی بەغدا و دیوانییەش  لەکارەکانیان دوورخرانەوە.

وەزارەتی ناوخۆی عێراق لە راگەیەندراوێکدا بڵاویکردەوە، هێزەئەمنییەکان پارێزگاریان لە خۆپیشاندەران کردووە و بەهیچ شێوەیەک چەک دژی خۆپیشاندەران بەکارنەهاتووە، بەڵام لەبەرامبەردا هەندێک کەس خۆپیشاندانەکانیان

بەکارهێناوە بۆ ئەوەی تەقەی راستەوخۆ لە هێزەئەمنییەکان بکەن، کە بەهۆیەشەوە چەند کارمەندێک کوژراون و ژمارەیەکی دیکەش برینداربوون.

هێزی دەمامكدار پەلاماری خۆپیشاندەران دەدات

لە راگەیەندراوەکەدا هاتووە، هەندێک لە کوژراوانی خۆپیشاندانەکان لە ئەنجامی رووبەڕووبوونەوە لەگەڵ پاسەوانانی بارەگا حزبییەکان کوژراون.
پەرلەمان چی دەڵێت؟
لەسەر خۆپیشاندانەكان پەرلەمانی عێراق بڕیاری كۆبونەوەی تایبەتی دەركرد بەڵام بەهۆی ئامادەنەبونی ئەندام پەرلەمانەكانەوە نەتوانرا كۆبونەوەكەی پەرلەمان ئەنجام بدرێت، تا ئێستاش هیچ هەڵوێستێكی ڕەسمی  نەبووە چ بە باش چ بەخراپ

چەند كەس بونە قوربانی؟
بەهۆی خۆپیشاندانەكانەوە لە دوو ڕۆژی ڕابردوودا لەتەواوی شارەكانی عێراق بەپێێ  راگەیاندنی  كۆمسیۆنی عێراق بۆ مافەكانی مرۆڤ تا ئێستا63 خۆپیشاندەر كوژراون ،ودوو هەزار  500 خۆپیشاندەریش بریندار بوون.

تا ئێستا 63 كەس كوژراون و دوو هەزار و 500 خۆپیشاندەر بریندار بوون

تا نەگەین بە مافەكانمان بەردەوام دەبین لە خۆپیشاندان

هێزە عێراقیەكان مامەڵەی خراپ لەگەڵ خۆپیشاندەراندا دەكەن

هێزی دەمامكدار خۆپیشاندەران دەكوژێت

هێزە ئەمنیەكان مامەڵەی خراپ لەگەڵ خۆپیشاندەران دەكەن