03:38 - 20/04/2020
چیرۆكی گولە بارانكردنی 11 گەنجی كورد
كۆماریی
ئیسلامی ئێران هەر لەسەرتایی دامەزراندنیەوە رێگربووە لەبەردەم دامەزراندن و
چالاكیەكانی بزوتنەوەی رزگاریی خوازی كورد لە رۆژهەڵاتی كوردستان و هەر لەسەرتادا
لەرێگەی سوپا و دەزگا هەواڵگریەكەیەوە چەندین جوڵانەوەی سیاسی و كۆمەڵایەتی سەركوت
كردووە ، ئەوە لەكاتێكدایە تەنها سەركوتی
جوڵانەوەی سیاسی بزافی رزگاریی خوازیی كوردی لە رۆژهەڵاتی كوردستان نەكردووە،
بەڵكو دژیی هەر چالاكیەكی كۆمەڵایەتی و هونەریی وەستاوەتەوە و رێگەی نەداوە هیچ دەنگێكی ئازادی كوردی لە رۆژهەڵاتی
كوردستان دروست ببێت.
لەگەڵ ئەوەشدا
كۆماری ئیسلامی ئێران بۆ چاوترسێن كردن و برسیكردن و بێدەنگ كردنی دەنگی ئازادیخوازی
كورد لە رۆژهەڵاتی كوردستان چەندین گروپی كوردی و لاوی كوردی لە مەیدانەكانی
وڵاتدا لە سێدارە داوە و كوشتونی، ئەوەش بۆ ئەوە بووە گەلی كورد لە رۆژهەڵاتی
كوردستان لەناو بات و سەركوت و بێدەنگ و چاوترسێنی بكات.
ئەمە یەكێكە
لەو چیرۆكانەی كۆماریی ئیسلامی ئێران، لە رۆژهەڵاتی كوردستان دەربارەی كوشتنی
بەكۆمەڵی كورد لە رۆژهەڵاتی كوردستان بەمەبەستی ئەوەی گەلی كورد لە رۆژهەلاتی كوردستان سەركوت و
بێدەنگ بكات و لەئاست مافەكانی خۆیدا بێدەنگ بێت.
چیرۆكی
وێنەكان
رۆژی پێنجی
خەرمانانی ساڵی 1358 ، كە هاوكاتە لەگەڵ (27ی ئۆگەستی ساڵی 1979) ی زاینی لە فرۆكەخانەی سنە یەكێك لەو كەسانەی كە كاری
كوشتنی بەكۆمەڵ و تاكی بۆ كۆماریی ئیسلامی ئێران دەكرد، لەیەكێك لە پیاو كوژ و ە
گەورەو دەسەڵات دارەكانی ئەو كاتەی كۆماریی ئیسلامی ئێران بوو لە رۆژهەڵاتی
كوردستان وەك مولازم موحسینەكەی سلێمانی رۆڵی دەبینی لە كوشتن و بێدەنگ كردنی
كوردانی رۆژهەڵاتی كوردستان، كە بە ( قەسابەكەی كوردستان ) ناسرابوو سزای گولەبارانكردنی 11 گەنجی كورد دەردەكات و
دەیانكوژێت، ئەویش مەلا سادقی خاڵ خاڵی
بووە.
شایەتحاڵەكانی
دۆخەكە باس لەوەدەكەن كە ئەو كاتە هیچ بەڵگەیەك نەبووە لەسەر ئەوەی كە ئەو 11
گەنجە كوردە هیچ تاوانێكیان كردبێت و سادق خاڵخاڵی لە دادگیایەكی 30 خولەكیدا هەر
11 گەنجەكە تۆمەتبار دەكات و بریار دەدات كە گولەباران بكرێن.
خاڵخاڵی تۆمەتی قاچاخچەتی چەك و هەوڵدان بۆ
پشێوی و ئاژاوەگێریی لە رۆژهەڵاتی كوردستان تۆمەتبار دەكات بەبێ ئەوەی هیچ
بەڵگەیەك هەبێت لەسەر ئەوەی ئەو گەنجانە كارێكی لەو شێوەیەن كردبێت.
سادق خاڵخاڵی
كێیە
لەسەرتای
سەروبەندی دامەزراندنی كۆماری ئیسلامی ئێران و سەرەتای شۆرشی ئیسلامی دژی شای
ئێران سادق خاڵخاڵی ئەو كاتە تەنها مەلایەكی پەراوێز خراوبوو لە لایەن شای
ئێرانەوە و دواتر لە سەردەمی سەرەتای دامەزراندنی كۆماریی ئیسلامی ئێراندا خۆی لە
سەركردەكانی شۆرش نزیك كردەوە و وەك دادوەری شەرعی شۆرشی ئیسلامی ئێران لە
رۆژهەڵاتی كوردستان دامەزرا.
سادق خاڵخاڵی و خومەینی
ئەو كاتەی كە
شەریی كۆماری ئیسلامی ئێران و رۆژهەڵاتی كوردستان سەری هەڵدا رۆڵێكی گەورەی هەبوو
لە تێكدانی ناوچەكە و كوشتنی هەزاران رۆڵەی كورد ونەتەوەكانی دیكە لە ئێران و
بەتایبەت لە رۆژهەڵاتی كوردستان
خاڵخاڵی لە
لایەن كوردەكانی رۆژهەڵاتی كوردستانەوە نازناوی قەسابەكەی كوردستانی لێنرابوو
ئەوەش لە بەرامبەر ئەو كارە خراپ و دراندانانەی كە خاڵخاڵی لە بەرامبەر خەڵكی
كوردستاندا ئەنجامی دابوو.
سادق خاڵخاڵی و ژمارەیەك لە هاوكارەكانی