22/08/2019
بارودۆخ و
پێشکەوتنەکان وای کردووە لە ئێستادا گۆڕانکارییەکان ببینین هەروەها بەرکەوتەو
هەستکردن بە لێپرسراوێتییش تا ڕادەیەک وەرچەرخانێکی باشی بە خۆوە بینیوە.
لە تەواوی
پلاتفۆرمەکانی میدیا و لەسەر ئاستی تاک و کۆمەڵ ڕۆژانە چالاکی و گرتەی جۆراو جۆر
دەبینین لە بەرامبەر هەستی لێپرسراوێتی بە ژینگە و تەندروستی و پەروەردە و کولتور
و خزمەتگوزاری و زۆربەی بابەتەکان، پێشکەوتنێکی بەرچاو و خاڵی دڵخۆشکەر دێنێتە
ئاراوە لەو گۆڕانکاریانەی کە دروست بووە گەرچی بە بەراورد لە ساڵانی رابردوو
ئەمانە خەون بوون و لە چوارچێوەی کۆمەڵێک پرۆژەو کاری ڕێکخراوەیی و گروپە
خۆبەخشەکاندا دەکران نەوەک ببێتە خەمێکی گشتی.
پرسیارە
سەرەکییەکە لێرەوە دەست پێدەکات: ئەم دروست بوونانە پێویستی بە بەردەوامی هەیە،
پێویستی بە دروستبونێکە لە ناوماندا ئەمەش بەلەبەر کردن و قبوڵکردنی ئەو ڕاستییەی
کە چیتر هەریەک لەم بابەتانە بابەتی ژیان و مانەوەن و داهاتووی نزیکیش لە دەست ئەم
لێپرسراوێتییەی ئێمەیە.
بۆ نیشاندانی ئەم
ڕاستییەش و لەبەرکردنی ئەم راستییە ئەبێت بێ سڵەمینەوە کێشەکان نیشان بدەین، ڕیسێرچەکانمان
چر بن، داتای بەردەوام و گەڕانەکانمان دەرخەری ئەو ڕاستییە بن. لە شوێنی
ڕووداوەکاندا بین، بپرسین، سەرچاوەکان دەرخەین و کێشەکان بخەینە روو داتاکان بکەین
بە وێنە، بەڵام داتاکانی خۆمان، ئەوانەی لە دەورمانن و ڕۆژانە ئەیبینین چونکە ئەوە
بابەتی ئێمەیە لەسەری چر بینەوە.
ئەوەی لە نێوەندی
ئێمەدا دەبینرێت و بۆ من کێشەیە و بابەتی بوون نیشان نادات، تاکەکان هەموو
هەوڵەدەن ببنە ئایکۆن، ئەیانەویت لەسەر هەموو شاشەیەک بن، لەسەر ڕووکاری هەموو
ڕۆژنامەو گۆڤارێک بن، ئەویش گرنگە بەڵام ئەی کوا داتا کوا گەڕانی راستی و دەرخەری
کێشەی کارەکان، ئێ ئەم بوون بە ئایکۆنە ماوەیەکە و لەگەڵ دەستکەوتنی بودجەیەک
یاخود پرۆژەیەک و پاشاخانێک بۆ تاکاکە دروست دەکات و دواتر ئەو دەر ئەنجامە
ڕوودەدات کە ئێستا هەیە چالاکوان نەما، پرۆژەی کاریگەر نەما، بەدواداچوون نەما،
هونەرمەندی لە قاڵبدراوی بەرهەمهێنا، ڕێکخراو و گروپی بەرژەوەندی خوازی زیادکرد.
بۆ؟؟ چونکە ئەوان
بوون بە پاڵەوان هەرکەسەو بە پلەیەک و پێگەیەک.
Iconic ئایکۆنیک (ئایکۆن)
چییە؟
لە وەرگێرانە
سادەکەیدا بە واتای کەسێکی ناودار و دەرکەوتوو، بە تایبەت کە خاوەن بیروبۆچونێکی
تایبەت و هەڵگری کۆنسێپتێکی تایبەتی خۆی بێت.
ئایا ئەم پێناسەیە
لەبەری چ تاکێکدا ئەبینینەوە لەم ناوچانەی خۆماندا یان چی گروپ و کۆمەڵێک؟ با
نەڵیین هەمووی بەلام زۆرینەی ئەم ناوچانەی ئێمە دروسکراوێکن پر بە پری سیستەمی
خۆمان و چوارچێوەیەکی دیاریکراو لە
بیرکردنەوەو پرۆژەن، لەپاڵ ئەمەشدا کۆمەڵگایەکی پاسیڤمان بەرهەمهێناوە چونکە وا
پێویست ئەکات بۆ گونجان لەگەڵ ئەم بارودۆخەدا، خۆ ئەگەر ئاماژەیەکی میتۆدیش هەبێت
و هەوڵێک بۆ دروستکردنی ئەلتەرناتیڤێک بدرێت لە نێوکۆیەکی پلاندارێژراوی پلاتفۆرمە
میدیاییە نا پیشەییەکاندا نیشانەی پرسیاری لەسەر دادەنرێت.
بە پێویستیم زانی
لەسەر خاڵەنوێکانی ئێستا و پرسیار لەوەی لە کوێداین نموونەیەک بهێنمەوە وەک (یۆڤال
نوح هەراری لە بابەتی ژیانی مرۆڤەکان لە ساڵی ٢٠٥٠دا دەڵێت:
"*لە
ئەنیمەیشنی (لەناو دەرەوەدا - inside out) زۆر دوورن
لەوەی بچنەوە سەرخۆیان و خۆیان بناسن. ئەو دەمەی ھەوڵدەدەن گوێ لەخۆیان ڕاگرن،
بەسادەیی دەکەونە داوی فریوەکانی جیھانی دەرەوە. ئەو دەنگەی کە لەنێو سەرماندا
دێتە بەرگوێ، ھیچکات مایەی دڵنیایی نیە. چونکە ھەمیشە دەنگدانەوەی پاگەندە
دەوڵەتییەکان و مێشک شۆردنەوە ئایدۆلۆژییەکان و پەیامە ڕیکلامییەکان لەسەرمان دا
دەزرینگێنەوە و ئێستاش پرسی دەستکارییە (بایۆکیمیکاڵ جیناتی)یەكانی مێشکمان
زیادیکردووە. ھەرچەندە بایۆتەکنیک و پرۆسەی فێربوونی ئامێرەکان گەشەبکەن،
دەستکاریکردنی قوڵترین ھەست و سۆز و ھەیەجانەکانی خەڵکی ئاسانتردەبێت و سەرئەنجام
شوێنکەوتنی خواستی خۆت (گەر خواستی خۆت بن) مەترسیدارتر دەبێت".
*(یۆڤال نوح
هەراری - ژیانی مرۆڤەکان لە ساڵی ٢٠٥٠دا،
وەرگێرانی: وریا ئەحمەد