01:28 - 21/10/2019
مارك ئیسپەر لە كابوڵ چی وت؟
وەزیری بەرگری ئەمریكا مارك ئیسپەر لە كابوڵی
پایتەختی ئەفغانسان لەگەڵ هاوتا ئەفغانیەكەی كۆبویەوە و دەربارەی دۆخی سوریا و ئەو
وڵاتە گفتوگۆیان كرد
ئیسپەر لە كۆنفرانسێكی
رۆژنامەوانیدا وتی: هێزەكانی ئەمریكا لە باكوری سوریا دەستیان بەكشانەوە كردووە و
بۆ كشانەوەی تەواوی هێزەكانیان كە زیاتر لە 1000 سەربازن پێویستیان بە دوو هەفتە
كات هەیە.
وەزیری بەرگری وتیشی:
هێزەكانیان لە رێگەی هەرێمی كوردستانەوە روو دەكەنە عێراق و لە خوارویی شاری ئەنبار
جێگیر دەكرێن بۆ ئەوەی رووبەرووی داعش و هەر مەترشیەكی تر ببنەوە.
مارك وتیشی : ئێستا ئێمە
رۆژئاوای كوردستان جێدەهێڵێن چونكە توركیا دێتە ئەو وڵاتەوە و نامانەوێت
هێزەكانمان رووبەرووی یەكتر ببنەوە چونكە ئەمریكا و توركیا هاوپەیمانی یەكترن و
هەروەها توركیا ئەندامی ناتۆشە
لەكابوڵەوە مارك ئیسپەر
وتیشی ئێستا ئەوان لە سوریا دەكشێنەوە و تەواوی ئاسمان و نەوتی باكوری سوریا لە
ژێر كۆنترۆڵی هێزەكانی ئەواندایە و هیچ هێزێك ناتوانێت سنورەكان ببەزێنێت
وتیشی هێزەكانی ئەوان لە
سوریا رووبەرووی هەر هێرشێك دەبنەوە كە بكرێتە سەر كێڵگە نەوتیەكان لە لایەن
هەرهێزێكی نێودەوڵەتی یاخود ناوخۆییەوە بێت