03:17 - 09/02/2020
ئێران بەدوای چیدا دەگەڕێت
سەرەڕای ئەوەی گورزی كوشندەی ئابوری بەر كۆماری ئیسلامی ئێران گەیشتووە و
لە دوای كوشتنی قاسم سولەیمانی فەرماندەی باڵای فەیلەقی قودس و هێرشە موشەكیەكەی
ئەو وڵاتە بۆسەر بنكەی سەربازی عەین ئەسەدی ئەمریكا لە عێراق، هیچ لێدوانێكی توند
لە نێوان ئێران و ئەمریكا دژی یەكتر نەبووە،
ئەوە لەكاتێكدایە ئێران هەر لەسەر
پەیامەكەی خۆی سورە و دەیەوێت ئەمریكا لە رۆژهەڵاتی ناوەڕاست بەتایبەتی سوریا و
عێراقدا دەربكات.
لەیادی شۆرشی كۆماری ئیسلامی ئێراندا عەلی ئەكبەر ویلایەتی دەڵێت: ئەوان سورن
لەسەر قسەكانی خۆیان و لەسەر ئەوە سورن كە دەبێت ئەمریكا ئێراق و ئێران جێبهێڵێت .
لەگەڵ ئەوەشدا سوپای ئێران وەك دیاریەك بۆ گەلەكەی ئەمڕۆ موشەكی جۆری رەعد
500ی نمایشكرد و ڕایگەیاند ئەو موشەكە دیاری سوپایە بۆ خەڵكی كۆماری ئیسلامی
ئێران، دەشڵێت: بێگومان موشەك و چەكی نوێیان دەبێت و سوپاكەیان تادێت بەهێزتر
دەبێت.
هەرچەندە ئێران لە ئامادەكاریی تەواودایە بۆ ئەندامدانی
هەڵبژاردنی پەرلەمانی وڵاتەكەی، بەڵام دۆخی سیاسی و پەیوەندیەكانی دەرەوەی ئەو
وڵاتە تادێت خراپتر دەبێت و ئاڵۆزیەكانی لەگەڵ ئەمریكا زیاتر دەبێت.
ولایەتی
گەورەبەرپرسی ئێرانی و یەكێك لە كەسایەتییە گرنگ و دیارەكانی كۆماری ئیسلامی ئێران لەیادی چلەمین ساڵەی سەرکەوتنی شۆرشی
ئیسلامی ئێراندا هەڕەشە لەهێزەکانی ئەمریکا دەكات و دەڵێت: دەبێت ئەمریكا هەم
سوپاكەی و هەم سیاسیەكانیشیان لەخاکی
عیراق دەرکرێن، ئەگەر خۆیان نەچنە دەرەوە لەو وڵاتە ، ئەوا بەزەبری هێزی وڵاتەكەیان دەیانكەنە دەرەوە،
نایەڵن عێراق كە دۆست و خاكی پیرۆزی شیعەكانە ئەمریكا خاوەنداریەتی لێبكات.
دوای شەری ئیدلیب چی روودەدات؟
ئێستا دۆخی ئیدلیب لە سوریا لە ئاستێكی زۆر خراپدایە و
بەبەردەوام شەر لە كوچەكانی ئەو شارەدا هەیە، لەلایەكی تریشەوە ئەمریكا سەرقاڵی
بونیادنانەوەی سوپاكەیەتی لە سوریا و ئێستا بڕیاری نوێ هەیە كە ئەمریكا بنكەیەكی
نوێی سەربازی لە ڕۆژئاوای كوردستان دەكاتەوە.
لەبارەی دۆخی سوریاوە ویلایەتی دەڵێت: ئێستا شەڕێكی گەورە هەیە لە سوریا و دوای
ڕزگارکردنەوەی ئیدلب نۆبەتی خۆرهەڵاتی فوراتە و ئەوێش ڕزاگار ئەکرێت و کۆتایی بە بوونی هێزەکانی
ئەمریکا دێت لە سوریاش.
بەدرێژای چەندساڵی رابردوو ئێران هەڕەشەی لەناوبردن و دەركردنی
هێزەكانی ئەمریكا لە سوریاو عێراق دەكات ، لەرووی كردەییەوە ئێستا ئەمریكا لە
سوریا و عێراقیش بنكەی سەربازی گەورەی لەسەر زەوی هەیەو كۆنترۆڵی ئاسمانی ئەو دوو
وڵاتەی كردووە، پەیتا پەیتا لەلایەن ئیسرائیل و ئەمریكاوە حەشارگەو بنكەو
بارەگاكانی سەر بەسوپای پازداران بۆردومان دەكرێت.
لەگەڵ ئەوەشدا ئێستا ئەمریكا لە دوا ین گۆڕانكاریی خۆیدا لە
سوریا لەرێگای دەروازەی وەلید ی سنوری نێوان عیراق سوریاوە ، کەل وپەلی سەربازی و
چەندین ئۆتۆمبێلی بارهەڵگری سەربازی
گەیاندۆتە تەل بەراک لە شاری حسەکەو خەریکی دامەزراندنی بنکەی سەربازی دوانزەمینی
خۆیەتی لە سوریا .
ئێران و ئەمریكا لە سوریا بەتەمای چین؟
ئێستا لە سوریا چەندین ھێزی گەورە و چەندین گروپی چەكداری
(مورتەزەقە) ی سەربازی هەن،
كە فەرمان لە توركیاوە وەردەگرن، بەجۆرێك
لە جۆرەكان ئەو شەرە بەوەكالەتە جیهانیەی كە هەیە خەریكە لە ئیدلیب یەكلای
دەبێتەوە و ئێران دەیەوێت لەو شەرە بەوەكالەتەدا پشكی خۆی لە ئابوری سوریادا
هەبێت.
هەموو هێزەكانی سوریا بەشوێن وزەوەن و جەنگی ئەوەدەكەن وزە
بەدەست بهێنن، لەگەڵ ئەوەشدا سەرۆكی ئەمریكا دۆناڵد ترەمپ، هەرگیز ئەم ڕاستیەی نەشاردۆتەوەو بەئاشکرا بەهەموو ناوەندەکانی
بڕیاری سیاسی جیهانی ڕاگەیاندوە: کە ئامانج وستراتیژیەتی وڵاتەکەی لەوچوارچێوەیەدا
کاریی هاوكاریی بە دەسمایەوە سەر ئەکرێت، ئەوان لە سوریان بۆ ئەوەی كێڵگە نەوتیەكان بپارێزن.
هەرچی وڵاتە زلهێزەکانی جیهانیشە لەبەرانبەر
ئەمریکا هەرچیەکی توانیان کردیان وبێ ئەنجام بوون ، لەبەر ئەوە نامەکانی ترامپ
ڕوون وئاشکران ، یان لەگەڵمانیت یان دژمانیت.
ئێستا لەو هاوكێشە گەورەیەی سوریادا
هەم ئێران و هەم توركیاش دەزانن كە كەوتونەتە هەڵەیەكی گەورەوە چونكە ئەوان بە
پشتیوانی چین و روسیا دەیانویست لە ناوچەكە بەردەوامبن و كاری خۆیان بكەن، بەڵام دەركەوت كە روسیا و چین ناتوانن هیچ
پشتیوانیەكی ئێران و هێەكانی تریش بكەن، بۆ ئەوەی لە سوریا پێگەی خۆیان هەبێت.
لەگەڵ هەموو ئەو گۆڕانكاریانە و ئەو
توانایانەی ئێران بەگەڕیخستن لە سوریا هێشتر ئەو وڵاتە دەیەوێت بەردەوامبێت و
لەسوریا چنگی خۆی لە شتێك گیربكات، “مرگ بر ئەمریكا “ دەڵێتەوە.
بەجۆرێك لە جۆرەكان مادام ئێران
دەیەوێت بە یەك هاوكێشە سەیری كێشەی سوریا وعێراق بكات و بەجێنفوسی خۆی دەزانێت،ئەمریكاش
دەیەوێت لەهەردوو وڵات دەریان بكات، لە سوریا راستەوخۆ هێرشیان دەكاتە سەر و لە
عێراقیش بەتەواوەتی دژایەتی ئێران دەكات.
پێدەچێت دۆسیەی سوریا و عێراق لە
ململانێ ئابوری و سیاسیەكانی نێوان ئێران ئەمریكادا زنجیرەی سیناریۆ جۆراو جۆرەكان زیاتر ببن ئەو دۆخە بەو شێوەیە بەردەوام بێت تا دۆخەكە بە
ئاراستەی كەسێكیان بەلایەكدا دەكەوێت.