ڕاپۆرتی جیهانی

04:37 - 07/07/2020

دەتوانیت تەنها لە 120 چركەدا بخەویت... رێگایەكی ئاسان لە سوپادا پشتی پێ دەبەسترێت‌

پەیسەر پرێس


ناجێگیری خەوتن یان پچرپچری بە یەكێك لەو كێشانە دادەنرێت كە زۆر كەس بەدەستیەوە دەناڵێنن، لەدوای رۆیشتن بۆسەر جێگەی خەو نارەحەتیەكان دەست پێدەكەن تا ئەو كاتەی خەوت لێدەكەوێت، لەگەڵ ئەوەی دۆخی ماڵەوە باشترە لە خەوتن لە شوێنێكی سەربازی، لەم راپۆرتەدا رێگایەكی خێرا دەخەینە ڕوو بۆ ئەوەی بەقوڵی خەوت لێبكەوێت ئەو رێگایە سوپاكان بەكاری دەهێنن كە تێیدا سەربازەكان لەماوەیەكی دیاریكراودا كە هەندێك جار دوو خولەكە و هەندێك جاریش دەگاتە دە خولەك دەخەون.


یەكەم/ خەوتنی فرۆكەوانەكانی ئەمریكا دوای هەڵەیەكی گەورە.

ئەگەر بەدەست خەوزرانەوە دەناڵێنیت و بۆ ماوەیەكی دووروودرێژ لە شوێنی خەو دەمێنیتەوە و هەندێك جار دەگاتە چەند كاتژمێرێك، ئەوە ئەو رێگایەی فرۆكەوانەكانی هێزی دەریای ئەمریكا بەكاری دەهێنێت دەتوانێت سود بەخش بێت بۆت، خەوی ئەو فرۆكەوانانە لە 120 چركە تێناپەڕێت، ئایە دەتوانیت ئەوە بهێنیتە بەرچاوی خۆت كە دەتوانیت خەولێكەوتنەكەت تەنها دووخولەك بخایەنێت؟ وەڵامەكەی بەڵێ یە بەڵام ئەوە پێویستی بەچەند راهێنانێك هەیە.

"پێویستی دایكی داهێنانە" ئەوە پەندێكی بەربڵاوە و لەچۆنیەتی مامەڵەی سوپای ئەمریكا لەگەڵ ماندووبوون و هیلاكی رەنگی داوەتەوە، لەمیانی جەنگی جیهانی دووەم سوپای ئەمریكا ئەوەی بۆ دەركەوت كە ژمارەیەكی زۆر لە فرۆكەوانەكانی بڕیاری هەڵەیان داوە و دەكرێت خۆپارێزی لەو هەڵانە بكرێت، بەوپێیەی ئەو بڕیارە هەڵانە بەهۆی فشار و پچرپچری خەوەوە بوون، لەناو ئەو هەڵانەدا تەقەكردن لەهاوپەیمانەكان و تەنانەت هێزەكانی خودی ئەمریكاش هەبووە، هۆكارە سەرەكیەكەش بۆ كەم خەوی یان ماندووبوون و هیلاك بوونی زۆر دەگەڕێتەوە.

لێرەوە چارەسەری كێشەی خەوزران كرا لە دۆخی جەنگە قورسەكان لە كتێبێكدا " Relax and Win Championship Performance" و تێیدا دانەری كتێبەكە كە ناوی لوید بود وینتر بوو، باسی داهێنانی سوپای ئەمریكای كرد بۆ زاڵ بوون بەسەر خەوزران لەدۆخە قورسەكان كە ماوەی ئەو خەوە لە دوو خولەك تێنەپەڕێت، لەدوای شەش هەفتە لە راهێنان 96%ی فرۆكەوانەكانی ئەمریكا كە بەشداریان لەو راهێنانەدا كرد توانیان لەماوەی كەمتر لە دوو خولەك یان كەمتریش بخەون، تەنانەت لەدوای خواردنەوەی قاوەیەكی وریاكەرەوەش، لەگەڵ دەنگی تەقەش لە پشتیانەوە، ئەم تەكنیكە كاریگەری خۆی سەلماند، تەنانەت لەگەڵ ئەو كەسانەشی كە پێویستیان بە خەو هەیە بە دانیشتنەوە.

ئەو رێگایە پشت بە چوار هەنگاوی سەرەكی دەبەستێت
1- دەست دەكەیت بە شێلان عەزەڵاتی دەم و چاو كە زمان و چەناگە و عەزەڵاتەكانی دەوروبەری چاو دەگرێتەوە.
2- مەساج كردنی هەردوو قۆڵ بۆ دواوە
3- هەناسەدان بە قوڵی و وەشێلانی سنگ و عەزەڵەكانی
4- هەموو بۆچوونەكان لە مێشك بسڕەوە لەماوەی 10 چركەدا لەرێگەی بیركردنەوە لە سێ وێنە: وا بێنە بەرچاوی خۆت كە بەسەر دەریاچەیەكی ئارامدایت و لەسەرووتەوە ئاسمانێكی شین هەیە، یان تۆ لە سەر جۆلانەیەكی بەهێواشی لە ژوورێكی تاریكدایت یان  ووشەی " هیچ بۆچونێك لە مێشكم ناهێڵمەوە بۆ ماوەی 10 چركە دووبارە بكەوە.

دووەم/ نوستن لەماوەی  10 خولەك لەرێگەی هەناسەدانەوە
كاتژمێرەكانی خەوتنی نمونەیی لە قۆناغە جیاجیاكانی تەمەن دەگۆڕدرێن، لەگەڵ زیادبوونی تەمەن كاتژمێرەكانی خەوتن كەم دەكەن، كاتژمێرەكانی خەوێكی نمونەیی لەنێوان حەوت بۆ نۆ كاتژمێر دایە بۆ كەسانێك كە تەمەنیان لەنێوان 18 بۆ 64 ساڵیدایە، ئەمەش بەپێی دامەزراوەی نوستنی نیشتمانی ئەمریكی، و زیادەڕەویكردن لەو كاتژمێرانەدا رەنگدانەوەی نەرێنی دەبێت لەسەر كاركردن و بەرهەم و ئاستی هۆشمەندی رۆژانەت، بۆیە نوستنی باش سەرەتای رۆژێكی باشە.

پرسی خەوتن سەبارەت بە كاروباری سەربازی و شەڕ بابەتێكی زیاتر هەستیارە، لەم چوارچێوەیەدا وەزارەتی بەرگری ئەمریكا لێكۆڵینەوەیەكی كردووە سەبارەت بە كاریگەری خەوزران لەسەر زیانەكانی جەنگ ، لێكۆڵینەوەكە ئەوەی ئاشكرا كردووە كە ئەو سەربازانەی بەشێوەیەكی باش خەوتوون زیانی گیانیان لە ئەركەكانیان بەرێژەی 20% كەمتر بووە، لێرەوە رێگایەكی تر دەردەكەوێت بۆ خەوێكی قوڵ لەماوەیەكی كەمدا كە تەنها 10 خولەكە و پشت بە رێگای مەشق و راهێنان و تەكتیكی هەناسەدان دەبەستێت، بۆ دروستكردنی دۆخێكی پشوودان لەماوەیەكی كەمدا، بەم شێوەیە بۆماوەی چوارچركە هەناسە هەڵبمژە و پاشان بۆ ماوەی چوار چركە لە سیەكانتدا بیهێڵەرەوە  و پاشان لە قوڵای سیەكانتەوە هەناسەكە بدەوە، ئەمە چەند جارێك دووبارە بكەوە بەمەرجێك لە سێ جار كەمتر نەبێت بۆ ئەوەی خەوێكی قوڵت هەبێت.

سێیەم/ قناعی چاو ... رێگەی مارێنز
رەنگە چاو داخستن بەس نەبێت بۆ ڕووبەڕووبونەوەی خەوزران بۆ ماوەیەكی خێرا، ئەو ڕووناكیەی دەردەچێت رەنگە ئاستەنگێكی ڕوون بێت بۆ خەوتن، بۆیە ڕووپۆشێك ( قناع ) بەكاردەهێنن كە دەم و چاو دادەپۆشێت و پرۆسەی خەوتن خێرا دەكات، ئەو لێكۆڵینەوەیە ئەوەی ئاشكرا كردووە كە 30%ی كێشەكانی خەوزران بەهۆی ڕووناكی و تیشكدانەوەوە دروست دەبن، بۆیە لێرەوە گرنگی قناعی خەوت دەردەكەوێت.

لە ئێستادا هێزەكانی پیادەڕەوی ئەمریكی ناسراو بە مارێنز ئەو جۆرە قناعەیان پێ دەدرێت بەمەبەستی ئەوەی پشوویەكی باشیان هەبێت لە ژیانی سەربازی خۆیاندا، بەپێی لێكۆڵینەوەیەكی فراوان كە ناوەندی " راندا" بۆ لێكۆڵینەوە ئەنجامیداوە لەژێر ناوی " نوستن لە سوپادا" باسی گرنگی ئەو قناعە دەكات كە لەلایەن سوپای ئەمریكاوە بەكاردەهێندرێت، و ئاماژەی بەوەكردووە " لەماوەی ئەو شەش كاتژمێرەی كە سەربازەكان ئەركەكانیان جێدەهێڵن و تەنها دەرفەتی ئەوەیان لەبەردەمە بۆماوەی چوار كاتژمێر و نیو رابكشێن، لەو كاتژمێرانەدا چانسی ئەوەیان هەیە كە بۆماوەی دوو بۆ سێ كاتژمێر بخەون" 

لێكۆڵینەوەكە سەرنجی بۆ ئەوە راكێشاوە كە ئەو قناعە وادەكات دۆخێكی تاریك دروست بێت كە بەئاسانی سەربازەكان دەچنە خەوێكی قوڵەوە و سەرباری دۆخی دەوروبەریان پشوو دەدەن.