11:03 - 24/11/2020
بۆ تاووتوێی دۆسیەی نەوت، وەزیری دەرەوەی عێراق دەچێتە مۆسكۆ
وەزیری
دەرەوەی عێراق بەسەرۆكایەتی شاندێكی حكومەتی عێراق لەسەرداوای هاوتاكەی دەچێتە
ڕووسیاو گفتوگۆ لەسەر دۆسیەی نەوت و گاز دەكرێت.
وتەبێژی
وەزارەتی دەرەوەی عێراق –ئەحمەد سەحاف- ڕایگەیاند، ئەمرۆ چوار شەممە فوئاد حوسەین
وەزیری دەرەوەی عێراق بەسەردانێكی فەرمی دەچێتە وڵاتی ڕوسیا و سەدانەكەش لە
سەرداوای لافرۆڤ وەزیری دەرەوەی ئەو وڵاتەیە.
سەحاف
ئەوەشی ڕاگەیاندووە كە وەزیرەكانی نەوت، بازرگانی، پەیوەندیەكانی دەرەوە لەنێو
شاندەكەدان و تەوەری سەرەكی سەردانەكەش تایبەتە بە گفتوگۆكردن لە بارەی كەرتی نەوت
و پەیوەندییەكانی نێوان هەردوو وڵات.
كۆمپانیا
ڕووسیەكان لە كەرتی نەوتی عێراق و هەرێمی كوردستانیش پشكی سەرەكییان هەیەو پێشتریش
باڵیۆزی روسیا لە عێراق– ماكسیم ماكسیمۆڤ- ڕایگەیاندبوو كە عێراق و ڕوسیا پەیوەندییەكی
زۆریان لەبواری نەوت و وزەدا هەیەو مۆسكۆش بایەخی زۆر بە عێراق دەدات لەو بارەیەو
ساڵانەش بە قەبارەی 13 ملیار دۆلار وەبەرهێنانی هەیە لە بواری نەوت و گازداو
روسیاش بەردەوام كار بۆئەوە دەكات كە پەیوەندییەكانیان زۆر باش بێت و كۆمپانیاكانی
(زاروبیچ، ئیستریترانگاز، سیوزن فگاز،. ئیریاڵ، غاز سیرڤس) ی رووسی لە بواری نەوت
و گازی عێراقدا كار دەكەن، لە گەل ئەوەشدا كۆمپانیای –لوك ئۆیەڵ- ی ڕووسیش لە
بواری گەڕان و دۆزینەوەی نەوتدا لە عێراق كاری باشی كردووەو 20 ساڵە خەریكی ئەو
كارەیە ، كۆمپانیاكانی گازپرۆم و باشنفت و روزنەفتی ڕووسیش لە بواری بازرگانیدا
ناوبانگی تایبەتییان هەیە.هەربۆیە دەخوازین تا ماوەیەكی درێژ وەبەرهێنانی نەوت و
گازمان لە عێراق بەردەوام بێت.
بە
پێی زانیارییە رۆژنامەوانیەكانیش ئەو بۆرییەی نەوتی هەرێمی كوردستان بەرەو بەندەری
جەیهان دەگوازێتەوە، خاوەندارێتیەكەی دەگەڕێتەوە بۆ كۆمپانیای رۆزنەفت و حكومەتی
هەرێمی كوردستان فرۆشتوویەتی.
عێراق لە رۆژهەڵاتی
ناوەڕاست دا لە دوای عەرەبستانی سعودییە بە دووەم پلە دێت لە وەبەرهێنانی نەوت و
گازدا و خاوەنی یەدەگێكی زۆری نەوت و گازە.